अकोला जिल्हा

जिल्हाधिकारी कार्यालय अकोला
काटेपुर्णा अभयारण्य
वन्यजीव
पीकेव्ही
सालासार मंदिर अकोला

अकोला जिल्ह्याविषयी

अकोला जिल्हा हा महाराष्ट्र राज्याच्या मध्य पूर्वेकडे वसलेला आहे. हा जिल्हा उत्तर अक्षांश 20.17 ते 21.16 आणि पूर्व रेखांश 76.7 ते 77.4 चे दरम्यान वसलेला आहे. जिल्ह्याच्या उत्तरेला गाविलगडचे डोंगर असून पूर्वेकडे अमरावती जिल्ह्यातील अंजनगाव, दर्यापूर व नांदगाव खंडेश्वर तहसील व वाशीम जिल्ह्यातील कारंजा तहसील आहे. दक्षिण बाजूला वाशिम जिल्हा आणि पश्चिमेस बुलढाणा जिल्हा आहे. अकोला जिल्हाचे क्षेत्रफळ 5672.81 चौ.कि.मी.असून ते महाराष्ट्र राज्याच्या क्षेत्रफळाच्या 1.84% आहे. अकोला जिल्ह्यामध्ये अकोला तहसीलचे क्षेत्रफळ सर्वात जास्त म्हणजे 1134.13 चौ.कि.मी. असून तेल्हारा तहसीलचे क्षेत्रफळ सर्वात कमी म्हणजे 628 चौ.कि.मी. आहे. अकोला जिल्ह्यामध्ये अकोला, बाळापुर, पातुर, बार्शीटाकळी, मुर्तीजापूर, अकोट व तेल्हारा अशा ७ तहसील आहेत. जिल्ह्याचे विभाजन करून वाशीम जिल्ह्याची निर्मिती करण्यात आली. जिल्ह्यात अकोला येथे अकोला शहर महानगरपालिकेची स्थापना १ ऑक्टोबर २००१ रोजी करण्यात आली.जिल्ह्यात १ महानगरपालिका,६ नगर पालिका,१ नगर पंचायत.जिल्ह्याचे मुख्यालय अकोला येथे तर विभागीय मुख्यालय अमरावती येथे आहे.

तपशील पहा